Blogu

PASOJAT E KONSUMIT TË QUMËSHTIT TË LOPËS PARA VITIT TË PARË TË JETËS

January 18, 2021Blogu Keshilla

Mënyra sesi ushqehet një fëmijë prej ditëve të para të jetës e determinon shëndetin e tij të mëtutjeshëm, prandaj nga ekspertët sugjerohet që fëmija të ushqehet me qumështin e gjirit pasi që është më afër natyrës dhe i përmbushë të gjitha nevojat e tij.

Në ditët e para të jetës nëna përmes kulloshtrës transmeton te fëmija antitrupa që i ndihmojnë në ngritjen dhe forcimin e imunitetit.

Në rastet kur ushqyerja me qumësht gjiri është e pamundur dhe atëherë kur janë shterur të gjitha mundësitë për ushqyerje ekskluzive me qumësht gjiri atëherë opsioni i vetëm i pranuar është qumështi formulë.

Një fëmijë që nuk mund të ushqehet me qumësht gjiri nuk duhet asesi të konsumoj qumësht lope para vitit të parë të jetës.

Qumështi i lopës si ushqim primar para vitit të parë të lindjes mund të shkaktojë deficit të kalciumit, rakitizëm, anemi sideropenike, intolerancë në proteina të qumështit dhe probleme të tjera.

Qumështi i lopës në përmbajtje ka kripëra që i mbingarkon veshkët ende të njoma të posalindurit dhe gjithashtu ngarkon edhe organet e tretjes.

Ky qumësht është i varfër për nga prezenca e acideve yndyrore, vitaminës D, jodit, hekurit dhe materieve të tjera të nevojshme për rritje dhe zhvillim të shëndetshëm.

Është shumë e rëndësishme që deri në muajin e gjashtë të jetës fëmija të ushqehet ekskluzivisht me qumësht gjiri apo formulë dhe pastaj të fillohet ngadalë me testimin e ushqimeve dhe ushqyerjen e rregulltë, të gjitha këto duke qenë në konsultë të vazhdueshme me mjekun pediatër.

Qumështin e lopës mund të konsumojë fëmija pasi të ketë mbushur 12 muaj dhe atë gradualisht duke e përgatitur dhe mësuar organizmin e tij.

Në spitalin ‘’FATI IM’’ ju mirëpresin mjekët pediatër me përvojë dhe profesionalizëm të dëshmuar.

Objekti ynë gjindet rrugës për në Çagllavicë(shih harten me poshte) apo mund të kontaktoni në numrat e telefonit +383 45 322 250 dhe +383 48 322 250.

Spitali FATI IM

RËNDËSIA E ACIDIT FOLIK GJATË SHTATZËNISË

January 5, 2021Blogu Keshilla

Acidi folik konsiderohet si materie thelbësore e rëndësishme që nuk sintetizohet nga organizmi i njeriut por merret përmes ushqimit apo suplementeve .

Ekspertët në botë thonë marrja e acidit folik para dhe gjatë shtatzënisë redukton rrezikun e keqformimit të tubit nervor.Marrja e acidit folik parandalon problemin e quajtur spina bifida që ndodhë kur shtylla kurrizore e bebes nuk mbyllet plotësisht.

Një përqindje e madhe e defekteve të zhvillimit të tubit nervor mund të parandalohet nëse merret të paktën 0.4 mg/në ditë acid folik.

Gjinekologët këshillojnë që acidi folik të konsumohet të paktën që një muaj para ngjizjes dhe gjatë tremujorit të parë të shtatzënisë.

Në fakt acidi folik nuk duhet të përdoret vetëm gjatë shtatzënisë por edhe në periudha të tjera pasi që është esencial për një imunitet të fortë e një organizëm të shëndetshëm.

Burime të mira të acidit folik nga ushqimi është brokolli, spinaqi, sallata jeshile, drithërat e të tjera. Acidi folik e lufton aneminë dhe ka një rëndësi të madhe për shëndetin e përgjithshëm.

Shtatzënat veçanërisht nuk duhet të injorojnë marrjen e acidit folik të përshkruar nga mjeku si suplement dhe përmes ushqimeve të shëndetshme në dietën e tyre.

Në spitalin ‘’FATI IM’’ mjekët gjinekologë do të ju sqarojnë në detaje çdo hap që duhet të ndërrmerni për një shtatzëni të shëndetshme.

Shëndeti i nënës dhe fëmijës, është prioriteti ynë.

‘’FATI IM’’ ATY KU MREKULLIA FILLON.

KUR ËSHTË KOHA IDEALE PËR TË TENTUAR SHTATZËNINË?

January 4, 2021Blogu Keshilla

Çiftet kanë shumë pyetje, frikësohen në mos nuk po i bëjnë gjërat si duhet për të arritur shtatzëninë, prandaj është mjeku gjinekolog ai që duhet të heq dyshimet që mund të stresojnë ata.

Shtatzënia ndodhë në ditë të veçanta të ciklit tuaj. Gabimisht çiftet shqetësohen pse nuk kanë arritur shtatzëninë, ndërsa kur pyeten shumë pak nga ata kanë informata për ditët e ovulimit.

Ta sqarojmë me rradhë. Cikli i një gruaje fillon në ditën e parë që fillon gjakderdhja. Një cikël normal mund të variojë nga 21 deri në 35 ditë.

Ovulimi ndodhë kur lirohet qeliza vezë e gatshme për tu fekonduar. Prandaj duhet të keni marrëdhënie seksuale në kohën e duhur.

Për të ditur kohën e ovulimit ju duhet të kalkuloni në bazë të gjatësisë së ciklit tuaj.

Gjinekologu juaj do ju tregoj saktësisht kohën kur mund të ovuloni apo edhe mund të përcjellë ovulimin për të vlerësuar ecurinë e procesit.

Është e rëndësishme të mos stresoheni dhe të jetoni një jetë të shëndetshme, sepse stresi dhe jeta jo kualitative mund të ndikojnë procesin e ovulimit.

Në spitalin “FATI IM” mjekët gjinekologë janë pranë çiftit në fazën e planifikimit të shtatzënisë, përcjelljes së saj dhe pastaj lindjes.

Qetësia dhe siguria e pacientëve tanë është prioriteti ynë.

SPITALI “FATI IM” ATY KU MREKULLIA FILLON!

QINDRA ÇIFTE JANË BËRË PRINDËR NË SPITALIN “FATI IM”

December 20, 2020Blogu

Infertiliteti përkufizohet si dështim i arritjes së shtatzënisë pas 12 muaj marrdhënie të pambrojtura.

Problem me infertilitetin mund të ketë partneri mashkull, si përqëndrim i ulët i spermës, shpejtësi e vogël apo probleme morfologjike.
Gjithashtu probleme mund të ketë edhe gruaja, probleme të ovulimit, bllokim të tubave fallopian, faktorë të lidhur me moshën, endometrioza etj.

Probleme infertiliteti mund të kenë të dy partnerët por ka raste kur paraqitet edhe infertiliteti sekondar, pra kur çiftet kanë një fëmijë por nuk arrijnë dot një shtatzëni tjetër.

Të gjitha këto probleme diagnostikohen dhe trajtohen me kujdes nga ekipi profesional i dëshmuar i mjekëve dhe stafit përcjellës në spitalin “FATI IM”.

Që nga viti 2001 spitali “FATI IM” ka trajtuar me sukses qindra çifte që kanë arritur shtatzëninë dhe sot kanë fëmijë të shëndetshëm.

Gjithmonë, në çdo kohë, me buzëqeshje e profesionalizëm, ju mirëpresim.

ATY KU MREKULLIA FILLON!

Qindra cifte jane bere prinder ne spitalin tone

A MUND TË PLANIFIKOJMË SHTATZANINË GJATË PANDEMISË?

December 6, 2020Blogu Keshilla

Pandemia COVID-19 e ka ndryshuar jetën e secilit njeri, ka ndryshuar mënyrën si sjellemi por edhe planet tona. Shumë çifte drejtohen te gjinekologu për të kërkuar sqarime rreth planifikimit familjar në kohën e pandemisë.

Zakonisht çifti i bënë këto pyetje:

A mund të planifikojmë shtatzëninë gjatë kohës së pandemisë?

Planifikimi i shtatzënisë ndikohet nga shumë faktorë e shumica janë personal dhe familjarë, prandaj nëse çifti vlerëson se është gati në vizitat parakonceptuale me mjekët e spitalit ‘’FATI IM’’ do të marrin udhëzime profesionale për mbrojtje nga virusi, për menaxhim të stresit dhe për një shtatzëni të shëndetshme.

Nëse infektohem a mund të rrezikoj beben?

COVID-19 është diçka e re për botën por edhe nga përvoja në vend edhe në botë është treguar se në shumicën e rasteve shtatzënat e kanë kaluar këtë virus pa komplikime dhe se bebat nuk janë prekur.

Procesi i lindjes a mund të ndikohet nga stresi që po e përjetojmë?

Stresi mund të ndikoj negativisht te ju dhe te bebja juaj prandaj është e rëndësishme të qëndroni në kontakt me mjekun tuaj gjinekolog për të marrë sqarimet e duhura në çdo etapë të shtatzënisë.Në spitalin ‘’FATI IM’’ ju do të keni qasje në informata dhe këshilla profesionale sa herë që keni nevojë. Si fillim merruni me diçka që ju jep kënaqësi psh, dëgjoni muzikë, këndoni, vallëzoni, lexoni apo bisedoni në distancë me një mike të mirë. Shumë fat në rrugëtimin tonë të përbashkët.

SPITALI ‘’FATI IM’’

Credit:https://cryobank.ua/wp-content/uploads/2020/05/K-state.png